صباح الخير
معليش طولت ما كتبت (( نظام البت مشهورة وعندها جمهور وبتعتذر ليه)) كنت مشغولة شوية وكمان بالي مشغول بحاجات كتيـــــــــــــــــــــــــــــــــرة ومافي زول عاوز يفكر معاي (( اخس على دي صحوبية))
يلا... ما علينا.... أصلا المثل بيقول ماحك جلدك مثل ظفرك
المهم... أنا (( كالعادة)) عندي موضوع خانقني وعاوزة أتفش... (( أنا ما عارفة لو ما المدونات دي كنت حأفضفض وين))....
الحكاية بتتلخص في سؤال بسيط
هل لازم احنا المسلمين نكون طبقتين
يا إما ملايكة أو اباليس؟؟؟
يعني الواحد فينا يا إما يكون ملتزم ومتدين لأقصى درجة ويعزل نفسو عن كل الملذات أو يكون منحط (( معليش على الكلمة بس عشان تفهموني)) وينغمس في الملذات؟؟
يعني ماممكن واحد يمشي في طريق الالتزام خطوة خطوة؟؟
ماممكن واحد يتدرج؟؟
مثال بسيط.... ليه لو واحدة اتحجبت ورقصت في عرس بيهمس ليها بعض الناس بكلام مزعج نوع (( شنو ياحجة الحجاب وين!!!)) أو (( دة نظام مولانا الذي غشانا)) أو (( الحجاب دة وهمة ولا شنو؟؟))
يعني عشان غطت شعرها وسترت جسمها يبقى التزمت مية مية؟؟؟ طيب شنو أحسن واحدة لابسة محزق وعريان وجسمها مرسوم رسم وبترقص في حفلة مختلطة وتانية لابسة حجاب ولبس محترم وبترقص برضو؟؟؟
مثال تاني واحدة بطلت تصافح (( علما بإن المصافحة أصلا حرام)) يعني ما عملت حاجة تطوعية كدة ولا سنة ولا كدة
لالا هي بس خطت خطوة لقدام
بطلت تصافح إذا لازم تتنقب؟؟؟
ولا لازم ما تتكلم مع أولاد؟؟؟
ما تسلم على ولد خالتا لو جاهم البيت (( يعني ما تقول ليه السلام عليكم))
أنا بصراحة لي حوالي سنة من بطلت المصافحة... انا ما حأقول بقيت متدينة... أنا بس بطلت حاجة بتزيد ذنوبي بدون ما أكون استمتعت بيها.... ماتستعجلو تفهموني غلط... بس الموضوع ان انا ((ما)) وصلت مرحلة من التدين إن أقدر أعمل كل حاجة صح وزي ما كلنا عارفين إن أصعب جهاد هو جهاد النفس... (( إن الواحد يقدر يسيطر على غريزتو ويبتعد عن الحرام بكل أنواعو))... أنا لسة ما بقدر أمنع نفسي عن كــــــــــــل حاجة حرام.... يعني ما قادرة ما أسمع اغاني مع ان عارفة الأغاني حرام... بس الفرق إن أنا بستمتع بالأغاني..... يعني ماقادرة أوقفا.... بس ما بستمتع بالمصافحة وبكل سهولة قفلت الباب دة وكدة اتحاشيت كم هائل من الذنوب.... خصوصا ان في ناس كانو بيزودوها وبيسلمو بالكتف.....
يلا بعد بقيت ما بصافح اتعرضت لكمية من المواقف والمضايقات كأنو ارتكبت جريمة....
والله لدرجة مرات كنت برجع من الجامعة وبركن عربيتي على جنب الشارع أبكي شوية وأمسح دموعي قبل أوصل البيت...
يعني مثلا
واحد زميلي قال لي عاوزك في موضوع بعدين...
قلت ليه خير....
قال لي سمعت إشاعات كدة ما عجبتني (( اتخيلو إنها اشاعات وكمان ما عجبتو))
قلت ليه شنو؟؟...
سمعت انك بطلتي مصافحة....
قلت ليه صح....
ليه ياترى؟؟؟
والله قناعة وراحة نفسية
بس؟؟؟؟
أيوة بس
يعني باقي الإشاعة ما صح؟؟؟
ياترى شنو باقي الاشاعة
قالو انك اتشوكشتي.... وحبيبك باعك وجاتك حالة نفسية.... وبما ان الاولاد لم تجيهم حالة نفسية بيبطلو يحلقو لحيتهم وكدة بيبدو انهم اتدينو (( يعني سبحان الله الواحد مادام التزم شوية يبقى مريض نفسي)) فالحصل ان سمعت انك اتشوكشتي وعدم المصافحة دة بداية الأعراض النفسية التدينية
قلت ليه أبدا ماكدة... هي بس قناعة.... حاولت اطبقا وعمري 14 سنة بس الناس ما رحمتني
وكنت صغيرة على ان اقاوم الضغط دة... بس المرة دي ان شاء الله حستمر...
ودي كانت آخر مرة اتكلم معاي...
و واحد تاني مالاقيتو من فترة.... يوم قاعدة مع صاحبتي جا سلم عليها... وعاين لي قال لي والله يا إيمان خايف أقوليكي مشتاقين تقولي لي استغفر الله.....
وواحد قال لي دي شنو (( العوارة)) دي...
و واحد سماها (( حركات )) بتاخد يومين وتنسيها...
وناس قالو لفت انتباه....
وبت حاولت تتظارف مع ولد وتحرجني قدامو بحركات بايخة كدة....
طبعا دة كلو من الناس المتحررين.... بس ردة فعل الناس الكويسين برضو غريبة نوعا ما
يعني أول ما اقول للواحد ((عفوا ما بصافح)).... يقول لي كوزة ولا أنصار سنة؟؟؟؟
هو أنا لازم أتحزب؟؟؟
أنا ما تابعة لأي حزب...
أنا مؤمنة بالله وملائكته وكتبه ورسله وباليوم الآخر وبالقدر خيره وشره....
مصدقة للرسالة المحمدية وعارفة ان الصلوات المفروضة خمسة وان في سنة وتطوع... وان صيام رمضان فرض والحجاب فرض و...الخ...
يعني ماممكن أكون مسلمة عادية؟؟؟؟
مش في دينا الحلال بين والحرام بين وما بينهما شبهات فاجتنبوها؟؟؟
ماممكن الواحد يمشي لقدام بدون ما يضايقوه؟؟!!
بدون ما يجوه ناس ياخدوه على انفراد ويحاولو يعرفو (( المصيبة)) الخلتو يعمل كدة شنو؟؟؟
والله ناس من أقرب الاقربين لي طعنوني بالكلام.... نوع (( بكرة تقولي عاوزة تتنقبي كمان))
طيب مالو لو اتنقبت؟؟
هو انا لو التزمت الحولي بيفخرو بي ولا يستعرو مني؟؟!!!
يعني لو واحد قريبتو ماشة بجينز واستريتش بيفخر بيها أكتر من واحد قريبتو متنقبة؟؟!!
أنا ما ممكن أقول لواحدة اتنقبت دة شنو العملة المهببة دي!!! بالعكس ببارك ليها وأقوليها ياريت عندي زي عزيمتك... لأن هي في اللحظة ديك أحسن مني...
الغريبة كمان في ناس بتناقش معاي الموضوع كأنو أنا اتخذت قرار خاااااااااطيء وهم عليهم يعيدوني للصواب
ياخي انتو خسرانين شنو
انا ماعاوزة اصافح وأنا حرة....
كفاية تكونو غلط مافي داعي تاخدو ذنبي... يعني كفاية ذنوبكم
أيوة أبعدو عني.... ولو ما بتفخرو بي وبتعتبرو عدم مصافحتي احراج ليكم قدام الناس فأنا كمان ما بفخر بيكم وبعفيكم من (( المعاناة الممكن تلحقكم بسببي))
وربنا يهدينا جميعا
معليش طولت ما كتبت (( نظام البت مشهورة وعندها جمهور وبتعتذر ليه)) كنت مشغولة شوية وكمان بالي مشغول بحاجات كتيـــــــــــــــــــــــــــــــــرة ومافي زول عاوز يفكر معاي (( اخس على دي صحوبية))
يلا... ما علينا.... أصلا المثل بيقول ماحك جلدك مثل ظفرك
المهم... أنا (( كالعادة)) عندي موضوع خانقني وعاوزة أتفش... (( أنا ما عارفة لو ما المدونات دي كنت حأفضفض وين))....
الحكاية بتتلخص في سؤال بسيط
هل لازم احنا المسلمين نكون طبقتين
يا إما ملايكة أو اباليس؟؟؟
يعني الواحد فينا يا إما يكون ملتزم ومتدين لأقصى درجة ويعزل نفسو عن كل الملذات أو يكون منحط (( معليش على الكلمة بس عشان تفهموني)) وينغمس في الملذات؟؟
يعني ماممكن واحد يمشي في طريق الالتزام خطوة خطوة؟؟
ماممكن واحد يتدرج؟؟
مثال بسيط.... ليه لو واحدة اتحجبت ورقصت في عرس بيهمس ليها بعض الناس بكلام مزعج نوع (( شنو ياحجة الحجاب وين!!!)) أو (( دة نظام مولانا الذي غشانا)) أو (( الحجاب دة وهمة ولا شنو؟؟))
يعني عشان غطت شعرها وسترت جسمها يبقى التزمت مية مية؟؟؟ طيب شنو أحسن واحدة لابسة محزق وعريان وجسمها مرسوم رسم وبترقص في حفلة مختلطة وتانية لابسة حجاب ولبس محترم وبترقص برضو؟؟؟
مثال تاني واحدة بطلت تصافح (( علما بإن المصافحة أصلا حرام)) يعني ما عملت حاجة تطوعية كدة ولا سنة ولا كدة
لالا هي بس خطت خطوة لقدام
بطلت تصافح إذا لازم تتنقب؟؟؟
ولا لازم ما تتكلم مع أولاد؟؟؟
ما تسلم على ولد خالتا لو جاهم البيت (( يعني ما تقول ليه السلام عليكم))
أنا بصراحة لي حوالي سنة من بطلت المصافحة... انا ما حأقول بقيت متدينة... أنا بس بطلت حاجة بتزيد ذنوبي بدون ما أكون استمتعت بيها.... ماتستعجلو تفهموني غلط... بس الموضوع ان انا ((ما)) وصلت مرحلة من التدين إن أقدر أعمل كل حاجة صح وزي ما كلنا عارفين إن أصعب جهاد هو جهاد النفس... (( إن الواحد يقدر يسيطر على غريزتو ويبتعد عن الحرام بكل أنواعو))... أنا لسة ما بقدر أمنع نفسي عن كــــــــــــل حاجة حرام.... يعني ما قادرة ما أسمع اغاني مع ان عارفة الأغاني حرام... بس الفرق إن أنا بستمتع بالأغاني..... يعني ماقادرة أوقفا.... بس ما بستمتع بالمصافحة وبكل سهولة قفلت الباب دة وكدة اتحاشيت كم هائل من الذنوب.... خصوصا ان في ناس كانو بيزودوها وبيسلمو بالكتف.....
يلا بعد بقيت ما بصافح اتعرضت لكمية من المواقف والمضايقات كأنو ارتكبت جريمة....
والله لدرجة مرات كنت برجع من الجامعة وبركن عربيتي على جنب الشارع أبكي شوية وأمسح دموعي قبل أوصل البيت...
يعني مثلا
واحد زميلي قال لي عاوزك في موضوع بعدين...
قلت ليه خير....
قال لي سمعت إشاعات كدة ما عجبتني (( اتخيلو إنها اشاعات وكمان ما عجبتو))
قلت ليه شنو؟؟...
سمعت انك بطلتي مصافحة....
قلت ليه صح....
ليه ياترى؟؟؟
والله قناعة وراحة نفسية
بس؟؟؟؟
أيوة بس
يعني باقي الإشاعة ما صح؟؟؟
ياترى شنو باقي الاشاعة
قالو انك اتشوكشتي.... وحبيبك باعك وجاتك حالة نفسية.... وبما ان الاولاد لم تجيهم حالة نفسية بيبطلو يحلقو لحيتهم وكدة بيبدو انهم اتدينو (( يعني سبحان الله الواحد مادام التزم شوية يبقى مريض نفسي)) فالحصل ان سمعت انك اتشوكشتي وعدم المصافحة دة بداية الأعراض النفسية التدينية
قلت ليه أبدا ماكدة... هي بس قناعة.... حاولت اطبقا وعمري 14 سنة بس الناس ما رحمتني
وكنت صغيرة على ان اقاوم الضغط دة... بس المرة دي ان شاء الله حستمر...
ودي كانت آخر مرة اتكلم معاي...
و واحد تاني مالاقيتو من فترة.... يوم قاعدة مع صاحبتي جا سلم عليها... وعاين لي قال لي والله يا إيمان خايف أقوليكي مشتاقين تقولي لي استغفر الله.....
وواحد قال لي دي شنو (( العوارة)) دي...
و واحد سماها (( حركات )) بتاخد يومين وتنسيها...
وناس قالو لفت انتباه....
وبت حاولت تتظارف مع ولد وتحرجني قدامو بحركات بايخة كدة....
طبعا دة كلو من الناس المتحررين.... بس ردة فعل الناس الكويسين برضو غريبة نوعا ما
يعني أول ما اقول للواحد ((عفوا ما بصافح)).... يقول لي كوزة ولا أنصار سنة؟؟؟؟
هو أنا لازم أتحزب؟؟؟
أنا ما تابعة لأي حزب...
أنا مؤمنة بالله وملائكته وكتبه ورسله وباليوم الآخر وبالقدر خيره وشره....
مصدقة للرسالة المحمدية وعارفة ان الصلوات المفروضة خمسة وان في سنة وتطوع... وان صيام رمضان فرض والحجاب فرض و...الخ...
يعني ماممكن أكون مسلمة عادية؟؟؟؟
مش في دينا الحلال بين والحرام بين وما بينهما شبهات فاجتنبوها؟؟؟
ماممكن الواحد يمشي لقدام بدون ما يضايقوه؟؟!!
بدون ما يجوه ناس ياخدوه على انفراد ويحاولو يعرفو (( المصيبة)) الخلتو يعمل كدة شنو؟؟؟
والله ناس من أقرب الاقربين لي طعنوني بالكلام.... نوع (( بكرة تقولي عاوزة تتنقبي كمان))
طيب مالو لو اتنقبت؟؟
هو انا لو التزمت الحولي بيفخرو بي ولا يستعرو مني؟؟!!!
يعني لو واحد قريبتو ماشة بجينز واستريتش بيفخر بيها أكتر من واحد قريبتو متنقبة؟؟!!
أنا ما ممكن أقول لواحدة اتنقبت دة شنو العملة المهببة دي!!! بالعكس ببارك ليها وأقوليها ياريت عندي زي عزيمتك... لأن هي في اللحظة ديك أحسن مني...
الغريبة كمان في ناس بتناقش معاي الموضوع كأنو أنا اتخذت قرار خاااااااااطيء وهم عليهم يعيدوني للصواب
ياخي انتو خسرانين شنو
انا ماعاوزة اصافح وأنا حرة....
كفاية تكونو غلط مافي داعي تاخدو ذنبي... يعني كفاية ذنوبكم
أيوة أبعدو عني.... ولو ما بتفخرو بي وبتعتبرو عدم مصافحتي احراج ليكم قدام الناس فأنا كمان ما بفخر بيكم وبعفيكم من (( المعاناة الممكن تلحقكم بسببي))
وربنا يهدينا جميعا
هناك 14 تعليقًا:
حبيبتي ميمو
اصبحنا في زمن الماسك على دينه كالماسك بالجمر
ربنا يثبتك
بنت أبيها
أنا كنت فاكرة إن الضغط بيكون من مغريات الحياة أو من أعداء الإسلام... بس أنا المزعلني إن الضغط من مسلمين زيهم زينا
ربنا يهدينا
looooool
أعراض التدين النفسية قال. عارفة يا إيمو أنا بعد ما لبست الحجاب في مجموعة من الناس ما كتيرة قالوا لي ده شنو العملتيهو ده. و واحد قال لي بالحرف الواحد ليه عملتي كده ما إنت كنت كويسة
زي كأني قررت أبقى راقصة سامبا و لا حاجة. فعلاالناس عايزين أي موضوع عشان يفتوا فيه و خلاص . حكاية إن الناس دي تقيف ليكي على الواحدة و يستنوا منك غلطة دي بأفتكر الناس بتعملها عشان يحسسوا نفسهم إنهم أحسن منك و يبرروا لنفسهم إن هم الصح. عموما و لا يهمك كله في ميزان حسناتك إن شاء الله و أهلنا زمان قالوا يا جبل ما يهزك ريح و العارف عزه كلام الناس ما بيهزه
دندونة
((ليه عملتي كده ما إنت كنت كويسة))
بالظبط الجملة دي بالحرف كدة اتقالت لي برضو... على قولك كأني قررت أبقى راقصة...
((و يستنوا منك غلطة دي بأفتكر الناس بتعملها عشان يحسسوا نفسهم إنهم أحسن منك و يبرروا لنفسهم إن هم الصح. ))
أيوة أنا مقتنعة بكدة برضو.... زي الواحد العيان وعاوز الناس كلها تمرض معاه...
بس مواقف زي دي يادندون بتكشف لينا معادن الناس... منو بجد بحبك وبتعامل معاك بقلب طيب ومنو نفسو غير سوية بحقد عليك ومابيتمنى ليك الأحسن
ربنا يهدينا كمان وكمان ونغيظ الحاسدين... وأهم شي (( ربنا يثبتنا على مواقفنا))
الاخت ايمان
ثبتك الله ووفقك للخير
المشكلة ان الناس بتطالب بالحرية الشخصية فى كل شى الا انك تختار تمشى صاح على طول تلاقى الف معترض
على كل حال
ارضاء الناس غاية لا تدرك
رزقنا الله واياكم رضاه
أستاذي محمد هاشم
كالعادة... كفيت ووفيت
لافض فوك
ربنا يوفقنا جميعا
تخريمة: كان في بوست وانشال ولا انا كنت بحلم؟؟
وييييييه يا ايمان
ذكرتني بالذي مضى (وما زال) هههه
وأكثر شي ضايقني هو اللي ذكرتيه عن السلام
بعضهم يوم وقفت المصافحة صاروا ما يسلموا علي خير شر!
سبحان الله
حتى السلام عليكم صاروا ما يقولوها
يعني يا اصافحهم يا قطيعة ؟؟
خذيها ابتلاء، مأجورة ان شاء الله
الحين فهمت شاللي مضايقك :P
أم خالد
أخاف يقولو عندنا فكر إرهابي متطرف
هههه
ازيك يا ايمان ..
فعلا .. لو الواحد الزمن ده عمل حاجة صاح الناس (بتنط) فيهو وتجننوا ..
لكن في ناس يا ايمان بالجد بغيظوك .. وانا أأكدليك .. في بنات زميلاتنا من الجامعة مابصافوحو داخل الحرم الجامعي (حصريا) .. ولو لاقيتها في أي مكان ح تصافح ..
وحالة تانية تلقى الواحدة ما بتصافخ واليوم كلو قادة مع زميلها (الحصري) وهاك يا كلام دقاق وونسة .. وأفتكر زي دي لو هي فعلا عاوزة تتلتزم كان مفروض تمشي بالتدرج ..
وجد جد في جماعة ماخدين الحكاية قشرة .. (طبعا لانها حاجة كويسة) وكتير من الناس ما قادرين يلتزمو ..
بالمناسبة أنا نفسي ما كنت بصافح قبل الجامعة .. بس تقولي شنو .. أدعي لي ..
شوفي يا إيمان أهم حاجة لازم تكوني قوية و مقتنعة فعلا باللي بتعمليه و اللي يتريق سيبيه و امشي آه انتي لسه هتقعدي تقنعيهم انك كويسة .. اما بقى المتشددين قوي و اللي عايزين كل حاجة تيجي مرة واحدة فدول بيبقوا عايزينك تتبعيهم في كل حاجة و خلاص .. لازم يا ايمان التصرف يكون نابع من داخلك انت و ربنا يثبتك يا حبيبتي
محمد أولا حمدلله على السلامة
ربنا يوفقنا وييسر أمرنا
أنا ما قابلني زول عاملا قشرة بس بصراحة ما بستبعدا..
بس يا محمد انت ما شايف انو مافي داعي أسلم على أكتر من 100 ولد ((زملائي)) كل يوم الصباح؟؟؟
اتخيل لو وقفت العادة دي بتوفر على نفسك ذنوب قدر شنو... بس فكر فيها شوية.... شيء أفضل من لا شيء
صح ولا لا؟؟؟
يلا دة مبدأ الناس الما بيصافحو في الجامعة... ونقول ربنا يهديهم ويوقفو مصافحة برة وجوة الجامعة...
قلب الأسد
تسلمي على التشجيع ياحبيبتي
والله ليكي وحشة
ليه الغيبة دي؟!!
ايمو نهارك سعيد
طبعا انت قويه
طبعا انت تمتلكين قرارك
تحاتى
وهي خطوة..للأمام
لقد ذكرتني ،هذه ،المعاناة ،بأيام ،كنا فيها ،في سجال مع المجتمع ،فالمرحلة كانت المراهقة بكل عنفوانها ،ومصدر التلقي ،كان شيخا سلفيا متشددا ،حينهابدا لنا أن المسلمون في خطر عظيم ،وأنهم أسوأ أمة أخرجت للناس ،أما نحن فكنا الغرباء ،لا نصافح ،وننظر لمن يفعلها شذرا ،وكأنه ارتكب كبيرة ،بينما لاتلفتفت قلوبنا الي التدين الشعبي ،الذي يحرص علي العلاقات ،وعميق الصلات ،فكنا حريصين علي الجهر بالرأي ،وكأننا في قريش ،وكان كبراء قريش ،هم ألأباء والمعلمين ،بل ومشايخنا ،
ثم مضي بنا العمر ،فعرفنا أختلاف المذاهب ،ورحمة الاجتهاد ،وفهمنا من النص الواحد الذي كان قطعيا في الدلالة علي الشيء الواحد ،مختلف الوجوه التي تحتملها العربية ،وتنبني ،علي المقاصد الحكيمة ،المركوزة في الفطرة ،والتي نطق بها القران الكريم ،
،ويبدو لي أن مشكلتنا كانت في الصحبة ،فقد طوقتنا عصابة من السلفية ،ولكن هذا من حسن الحظ ،فقد ،كان لنا دافع لنقرأ وعصمنا شبابنا من السجائر والعبث بلا طائل ،وتعلمنا القران ،والحديث ،واستقلالية الرأي ،صحيح ،أننا دفعنا ثمنا غاليا ،فيما بعد ،حتي نتخلص ،من ما ورثناه منهم ،من كبر وسؤ خلق ،وشعور بالتمايز علي الناس ،لكن يبقي البحث ع الحقيقة ،والاستعداد لمواجهة الدنيا كلها ،من أجل مانراه حق ،هو أهم ما خرجنا به من تلك التجربة ،وإن كنا نزعم أننا قد تعلمنا شيء من الاعتدال ،فما أخذناه من علومهم ،شق مهم ،وجاح من أجنحة الوسطية ،والاعتدال ،
أن تنظري الي جوهر التدين لا الي الشكل ،الي حقيقة الأمر ،تحتاجين الي التجرد والاخلاص ،وترك السوي وترك مراقبة الخلق ،الا شفقة عليهم ،واتهمي نفسك ،فربما كان وراء عملك الصالح رياء ،خفيا ،وهو الشرك الذي خاف الرسول منه علي أمته ،إذ لابد من النية في اول العمل ومراجعتها في أوسطه وأخره ،فقد سئل الصحابة عن رجل يحب أن يحمد علي عمله الصالح ،فذكر وا أن هذا من الرياء ..
أما الخطوة ،فهي قفذة هائلة ،إن الخمار الاسلامي جميل ،فهو لا يمنعك الناس من معرفتك ،علي العكس ،هو يكشف عن جمال الروح ،واذا اتبعنا حديث اسماء ،اذا بلغت المرأة المحيض فلا يظهر منها الا هذا وهذا وأشار الي الوجه والكفين ،ثم أذن الرسول عليه الصلاة والسلام ، في ارخاء الثوب زراعا من أسفل حتي لا يجر النجاسة ،لوجدنا ،أن المرأة ،لم تحرم من مقابلة الناس بوجهها ومعرفتهم بشخصها ،كما لم يطلق لهم أن ينظروا الي جمالها كأنثي ،وينسون صفات كمالها من شخصية ،وعلم ،الخ
فهي مميزة ،بشخصها ،عملية ،كما أن عفو الأية عن ظاهر الزينة في الثوب ،من ألوان ،ونقوش ،فإن الله جميل يحب الجمال ،ولهذا فقد أعطيالرسول ثوب القافلة الجميل لجابر رضي الله عنه وأمره أن يعطيه لزوجته ،ولأنه كان خفيفا جدا ،فقد أمرت بأن تجعل تحته ثوبا غليظ ،فلو لم يكن جمال الثوب مطلوبا ،لتم الاكتفاء بالغليظ ،أو لوضع الجميل تحت الغليظ القبيح ،،ولو كانت ظاهر زينة الثوب محرمة ،لأمرت هذه الصحابية ،بأن تلبسهلزوجها في البيت فقط ..
لهذانجد أن التشدد في اللباس منفر ايضا ،ان لبس الاسوداد ،والغليظ المبالغ فيه ،والسعة ،التي تعيق الحركة ،وتعيق قيام المرأة المسلمة بواجبها أمرا بالمعروف ،ونهيا عن المنكر ،وجهادا بكل ماتحمل الكلمة من معاني في سبيل الله ..
كل هذا يحتاج لملابس ملائمة ،ولا غرض للاسلام ،في ايقاف تطور صناعة الملبوسات ،ولكن الهدف هو الحفاظ علي المرأة ،حتي لا تعطي ثمرتها لعابث ،دون ثمن الرعاية والتزمم وتأسيس أسرة ،وهو حماية من السفور القبيح جدا جدا ،أنا شخصيا ،لا أوطد علاقاتي مع السافرات ،وان كنت لا احكم علي مافي قلوبهن ،لكنني احترم ذوات الخمر ،العفيفات جدا
ملحوظة :اللون الأسود ،أحيانا يكون في غاية الجمال ،ولكن لا يلذم طبعا المرأة ،لبسه دائما
ومشكورة علي التلقائية ،ولا تهتمي مادمت علي الحق ..
http://imam-akasha.blogspot.com/
إرسال تعليق