كل يوم والتاني نسمع فلان جاه فشل كلوي - حمانا الله - وفلان عندو التهابات وفلان عندو ترسبات وفلان بدا برنامج الغسيل... ناس تغسل مرة في الاسبوع وناس مرتين وناس يوميا... مراكز غسيل الكلي بقت ما بتتعد من كترتها... كل يوم فرحانين محتفلين بمركز غسيل كلى جديد.... ولسة بيموتو الاف مؤلفة بامراض الكلى... واغرب مافي الموضوع الحيرة البتكون بين الناس انو ليه الفشل الكلوي اتفشى بين السودانيين.... وفلان كان نصيــــــــح ماعندو اي مشكلة فجأة انهارت كليتو.... زمان كان الضغط والسكري المزمنين يعني بعد 30 سنة من بداية الاصابة يبدو يأثرو على الكلى وخلافها.. بس هس في لمح البصر الكلي بتنهار.... ولســــــــــــــــــــة الناس محتارة.... وبصراحة انا المحيرني حيرة الناس دي..... ماعارفاه جهل ولا تجاهل.....
عموما شوفو الصورة دي واحكمو براكم
ياترى ليه الفشل الكلوي انتشر؟؟؟؟
الكباية العلى اليمين دي مياه معدنية... واللي على اليسار دي ماسورة الحكومة :).... وملاحظة ان دي عبيتها من قبل ما تمر على الخزان عشان اشيل اي احتمال ان في صدا او طحالب في الخزان
أفتكر ان الصورة بتعبر عن نفسها
أفتكر ان الصورة بتعبر عن نفسها
هناك 4 تعليقات:
ازيك يا ايمان
وجد جد خوفتينا من الحاصل ده ..
ولو دي موية الماسورة تبقى الكارثة ..
وفعلا الفشل الكلوي انتشر بصورة مذهلة .. وغريبة .. حتى أمراض السرطان .. والالتهابات المعوية ..
خصوصا في الاقاليم .. ودي عايزة بحث متعمق..
وربنا يستر ...
والشي المخجل انو النيل بيعبر بلدنا المصونة من اقصى الجنوب والشرق لاقصى الشمال و بعد ده كلو الحكومة ما قادرة توفر لينا موية نضيفة ..
Damn.. I can't believe that the water got this bad in Sudan! :-s.. So now people have no option other than buying mineral water for drinking?! What about those who cannot afford mineral water?! Especially that it's not really cheap!
محمد صالح
والله الحاصل يستاهل التخويف... دي لو حللوها حيلقو بلااوي يا محمد... وانت برااك شفت لم حللنا موية الماسورة في المعمل طلعت بلاوي كيف.... دي حالتا كانت موية معمل يعني فيها نظام تقطير والخ....
انت عارف لو كانت المواسير دي اوسع شوية كانت نزلت مع الموية سمك وضفادع
يــــــــــــــــــــــع
amjad
it got this bad & even wooorse sometimes.... & even if we solve drinking problems by buying mineral water how can we cock ,wash dishes & make tea coffee or juices....
بسم الله الرحمن الرحيم
( وجعلنا من الماء كل شيء حي)
إرسال تعليق