حصل انتظرتو زول في مكان لا ضل فيه واتأخر عليكم؟؟؟
بتحصل كتير صح؟؟؟
يلا أنا بابا كان بيتأخر علي وأنا بنتظرو قدام الجامعة
وأقرب ضل على بعد 10 دقائق من البوابة وبابا لا يحتمل الانتظار
وتأخيرة ورا تأخيرة
قررت
رحمة بنفسي
اللي ليها علي حق
قررت
أستقل
وأقوى
وأتشفتن
وأعتمد على نفسي
وأسوووووق عربية
بس المشكلة
شوارعنا المنظمة
وتقيد الجميع بقوانين المرور
خلت أهلي يرفضو حتى مناقشة الفكرة
ما استسلمت
وقررت أسعى في الموضوع وفي الاقناع بكل ما أقدر عليه
بعد فترة بابا سافر الامارات
وجبنا سواق
خلاني أشتاق لتأخير بابا
وفي يوم التأخيرة كانت جامدة حبتين
رجعت البيت ولقيت ماما في المطبخ
ماما
عاوزة عربية
عاوزة أسوق
طيب حبيبتي
بسيطة جيبي الرخصة أول واحنا بنجيب العربية
بس بشرط بدون واسطة
((طبعا ماما كانت عارفة إنو إمتحان السواقة بدون واسطة يعني الرسوووووب))
طيب يا ماما
أنا بجيب الواسطة
أوووبس
قصدي الرخصة
جيبيها
(( كانت واثقة من فشلي))
كلامها خلاني أخد الموضوع تحدي
اشتركت في مدرسة تعليم سواقة
واتقدمت بسرعة وكان الأستاذ مبسوط مني
وكان في أستاذة أول مرة تركب معاي قالت لي (( سواقتك راقية))
بجي أحكي لي ماما عشان تفرح معاي
وهي بتطنشني
لأنو من قلبها خايفة علي وماعاوزاني أسوق
ماما خايفة وأنا باخد في الدروس
واللي شجعني أكتر
بت خالي كمان كانت عاوزة تاخد الرخصة
كان عندهم عربية صغيرة غير عربيتهم الأساسية
كنا بناخدها ونمشي الميدان ونتعلم فيها سوى
لغاية ما قررنا نمتحن
على الأقل نجرب
أول حاجة الجسر والخلف
وبعدين الشارع
اتفقنا مع ولد خالتنا يتصرف لينا في واسطة
وهو ماشاء الله
من النوع اللي واااثق من نفسه
أنا بعرف فلان الفلاني وداك العلتكاني وعلان العلاني
واحنا مبسوطيييين وأخدناه معانا يوم الامتحان
أنا وبت خالي وولد خالتي
وصلنا ميدان الإمتحانات
وشايفين الرجال كباااار وشياب
يركبو العربية
يجربو الخلف والجسر
ويرسبو
لأنو
الممر ضيـــــــــــق
يالهوي
احنا حنسوق قدام الناس دي كلها
وين واسطتك ياعزيزنا
قال مافيش واسطة
نعم؟؟؟؟؟؟؟؟؟؟؟؟؟؟؟؟؟
قررنا نترااااجع
بدلا عن الإحراج
لأنو
في كمية من الإحراجات بتحصل
المنظر المتكرر كالآتي
الممتحَن سايق
ومعاه العسكري في العربية
فجأة العربية بتوقف
والممتحَن يبدا يناقش في العسكري لييييه واديني فرصة تانية والخ الخ الخ
((طبعا أنا ماسمعتهم بس كنت بشوف حركات اليدين))
العسكري بدون أي كلمة
بيمد يدو
ويفتح للممتحَن الباب ويطردوا من العربية
إحراااااااااااااااااااااااااج
فشــــــــــــــــــلة
ماعاوزة أتعرض للموقف دة
على الأقل طيب مايكون في متفرجين يفوقو ال100 شخص
بس ولد خالتي كان مصمم نجرب حظنا مادام وصلنا
واتوكلنا
أنا وبت خالي بدينا نتعازم
منو تمتحن أول
في النهاية عقدت معاها اتفااااق
إنها
تمتحن قبلي
وامتحنت
للأسف
مانجحت
ياسلاااااااااااااااااااام
يعني فرصتي في النجاح انخفضت
لأنو مستواها كان أحسن من مستواي
بس ماكان في فرصة أتراجع لأنو كنت سجلت اسمي ودفعت الفلوووس
وكلو ولا أضيع فلوسي على الفاضي
مشيت
ركبت العربية
ابتسمت للعسكري وسلمت عليه
وبسم الله الرحمن الرحيم
ركبت الجسر
عدى على خير
نزلت منو
مفروض أدخل الممر الضيق وألف يسار بدون ما ألمس الأقماع الحمرا
ياربي
كيف الكلام دة
أنا في لحظة حسيت إنو ما بقدر أعملها قدام
خلي إني أعملها خلف!!!!
اتوكلت على الله
دست بنزين ومشيت
والحمدلله عديتها
وصلت لنهاية الممر
ولازم أعيدو بس بالخلف
أخدت نفس عميق
بديت أرجع
دخلت في اللفة
بديت ألف
وفجــأة
أوباااااااااااااااااااااااااااااااااح
العسكري خبط راسو بيدو
بدون ولا كلمة
وبدون ما أعمل أي حركة
وقفت العربية وفتحت الباب ونزلت
كلللللو ولا الطرد
الكرامة غالية ياجدعان
نزلت وما عاينت وراي
ومشيت نحو الجمهور وكلي احساس بالفشل اللي كنت متوقعاه مسبقا
لمن وصلت
كانو حياكلوني
ليييييييييييييييييييه نزلتي؟؟؟
انتي نجحتي!!!!
ليه نزلتي؟؟؟؟
العربية كانت ماشة صح!!!!
كنت رهيبة!!!!
لمن حكيت ليهم
قالو دي حركات بيعملها العسكري عشان يختبر ثقة الممتحَن في سواقته
يعني أنا كنت ناجحة وبسبب غبائي وخوفي نزلت وسبت العربية
يعني لازم أعيد الإمتحان تاني!!!!!!!!!
لاااااااااااااااااااااااااااااااااااااااااااا
ما بقدر
ياريتهم ما كلموني
ياريتهم خلوني أفتكر إني رسبت
ياخي
خسارة الابتسامة فيك يالعسكري
بعد يومين
قررنا نعيد الإمتحان
وأول ما دخلنا الميدان
كان العسكري بيمتحن واحد
وبالصدفة شافني
قعد يضحك
يضحك
وأنا اتغظظظظت
هو يضحك وأنا أتغاااااااااااظ
كرهتو
جا دوري
ركبت العربية
طلعت الجسر
نزلت
لفيت يسار
وصلت النهاية
وقفت
بديت أرجع خلف
وقفت عند اللفة عشان أظبط الدركسوون
العسكري قال لي
لا أرجعي شوية تاني
الأخ حاسس بتأنيب ضمير
رجعت
ولفيت
ونجحت
ووقفت العربية صح
ونزلت
والممتحنين المنتظرين صفقوا لي
قالو كنت رهيبة
ولمن مشيت للضابط المراقب عشان يوقع لي النجاح
قال لي
إنتي شكلك كنتي سايقة من زمان بس العساكر ضايقوكي في الرخصة
وانتيهنا من المرحلة الأولى في استخراج الرخصة بحمد الله والمرة الجاية أحكي ليكم المرحلة التانية
بتحصل كتير صح؟؟؟
يلا أنا بابا كان بيتأخر علي وأنا بنتظرو قدام الجامعة
وأقرب ضل على بعد 10 دقائق من البوابة وبابا لا يحتمل الانتظار
وتأخيرة ورا تأخيرة
قررت
رحمة بنفسي
اللي ليها علي حق
قررت
أستقل
وأقوى
وأتشفتن
وأعتمد على نفسي
وأسوووووق عربية
بس المشكلة
شوارعنا المنظمة
وتقيد الجميع بقوانين المرور
خلت أهلي يرفضو حتى مناقشة الفكرة
ما استسلمت
وقررت أسعى في الموضوع وفي الاقناع بكل ما أقدر عليه
بعد فترة بابا سافر الامارات
وجبنا سواق
خلاني أشتاق لتأخير بابا
وفي يوم التأخيرة كانت جامدة حبتين
رجعت البيت ولقيت ماما في المطبخ
ماما
عاوزة عربية
عاوزة أسوق
طيب حبيبتي
بسيطة جيبي الرخصة أول واحنا بنجيب العربية
بس بشرط بدون واسطة
((طبعا ماما كانت عارفة إنو إمتحان السواقة بدون واسطة يعني الرسوووووب))
طيب يا ماما
أنا بجيب الواسطة
أوووبس
قصدي الرخصة
جيبيها
(( كانت واثقة من فشلي))
كلامها خلاني أخد الموضوع تحدي
اشتركت في مدرسة تعليم سواقة
واتقدمت بسرعة وكان الأستاذ مبسوط مني
وكان في أستاذة أول مرة تركب معاي قالت لي (( سواقتك راقية))
بجي أحكي لي ماما عشان تفرح معاي
وهي بتطنشني
لأنو من قلبها خايفة علي وماعاوزاني أسوق
ماما خايفة وأنا باخد في الدروس
واللي شجعني أكتر
بت خالي كمان كانت عاوزة تاخد الرخصة
كان عندهم عربية صغيرة غير عربيتهم الأساسية
كنا بناخدها ونمشي الميدان ونتعلم فيها سوى
لغاية ما قررنا نمتحن
على الأقل نجرب
أول حاجة الجسر والخلف
وبعدين الشارع
اتفقنا مع ولد خالتنا يتصرف لينا في واسطة
وهو ماشاء الله
من النوع اللي واااثق من نفسه
أنا بعرف فلان الفلاني وداك العلتكاني وعلان العلاني
واحنا مبسوطيييين وأخدناه معانا يوم الامتحان
أنا وبت خالي وولد خالتي
وصلنا ميدان الإمتحانات
وشايفين الرجال كباااار وشياب
يركبو العربية
يجربو الخلف والجسر
ويرسبو
لأنو
الممر ضيـــــــــــق
يالهوي
احنا حنسوق قدام الناس دي كلها
وين واسطتك ياعزيزنا
قال مافيش واسطة
نعم؟؟؟؟؟؟؟؟؟؟؟؟؟؟؟؟؟
قررنا نترااااجع
بدلا عن الإحراج
لأنو
في كمية من الإحراجات بتحصل
المنظر المتكرر كالآتي
الممتحَن سايق
ومعاه العسكري في العربية
فجأة العربية بتوقف
والممتحَن يبدا يناقش في العسكري لييييه واديني فرصة تانية والخ الخ الخ
((طبعا أنا ماسمعتهم بس كنت بشوف حركات اليدين))
العسكري بدون أي كلمة
بيمد يدو
ويفتح للممتحَن الباب ويطردوا من العربية
إحراااااااااااااااااااااااااج
فشــــــــــــــــــلة
ماعاوزة أتعرض للموقف دة
على الأقل طيب مايكون في متفرجين يفوقو ال100 شخص
بس ولد خالتي كان مصمم نجرب حظنا مادام وصلنا
واتوكلنا
أنا وبت خالي بدينا نتعازم
منو تمتحن أول
في النهاية عقدت معاها اتفااااق
إنها
تمتحن قبلي
وامتحنت
للأسف
مانجحت
ياسلاااااااااااااااااااام
يعني فرصتي في النجاح انخفضت
لأنو مستواها كان أحسن من مستواي
بس ماكان في فرصة أتراجع لأنو كنت سجلت اسمي ودفعت الفلوووس
وكلو ولا أضيع فلوسي على الفاضي
مشيت
ركبت العربية
ابتسمت للعسكري وسلمت عليه
وبسم الله الرحمن الرحيم
ركبت الجسر
عدى على خير
نزلت منو
مفروض أدخل الممر الضيق وألف يسار بدون ما ألمس الأقماع الحمرا
ياربي
كيف الكلام دة
أنا في لحظة حسيت إنو ما بقدر أعملها قدام
خلي إني أعملها خلف!!!!
اتوكلت على الله
دست بنزين ومشيت
والحمدلله عديتها
وصلت لنهاية الممر
ولازم أعيدو بس بالخلف
أخدت نفس عميق
بديت أرجع
دخلت في اللفة
بديت ألف
وفجــأة
أوباااااااااااااااااااااااااااااااااح
العسكري خبط راسو بيدو
بدون ولا كلمة
وبدون ما أعمل أي حركة
وقفت العربية وفتحت الباب ونزلت
كلللللو ولا الطرد
الكرامة غالية ياجدعان
نزلت وما عاينت وراي
ومشيت نحو الجمهور وكلي احساس بالفشل اللي كنت متوقعاه مسبقا
لمن وصلت
كانو حياكلوني
ليييييييييييييييييييه نزلتي؟؟؟
انتي نجحتي!!!!
ليه نزلتي؟؟؟؟
العربية كانت ماشة صح!!!!
كنت رهيبة!!!!
لمن حكيت ليهم
قالو دي حركات بيعملها العسكري عشان يختبر ثقة الممتحَن في سواقته
يعني أنا كنت ناجحة وبسبب غبائي وخوفي نزلت وسبت العربية
يعني لازم أعيد الإمتحان تاني!!!!!!!!!
لاااااااااااااااااااااااااااااااااااااااااااا
ما بقدر
ياريتهم ما كلموني
ياريتهم خلوني أفتكر إني رسبت
ياخي
خسارة الابتسامة فيك يالعسكري
بعد يومين
قررنا نعيد الإمتحان
وأول ما دخلنا الميدان
كان العسكري بيمتحن واحد
وبالصدفة شافني
قعد يضحك
يضحك
وأنا اتغظظظظت
هو يضحك وأنا أتغاااااااااااظ
كرهتو
جا دوري
ركبت العربية
طلعت الجسر
نزلت
لفيت يسار
وصلت النهاية
وقفت
بديت أرجع خلف
وقفت عند اللفة عشان أظبط الدركسوون
العسكري قال لي
لا أرجعي شوية تاني
الأخ حاسس بتأنيب ضمير
رجعت
ولفيت
ونجحت
ووقفت العربية صح
ونزلت
والممتحنين المنتظرين صفقوا لي
قالو كنت رهيبة
ولمن مشيت للضابط المراقب عشان يوقع لي النجاح
قال لي
إنتي شكلك كنتي سايقة من زمان بس العساكر ضايقوكي في الرخصة
وانتيهنا من المرحلة الأولى في استخراج الرخصة بحمد الله والمرة الجاية أحكي ليكم المرحلة التانية
هناك 9 تعليقات:
مرحلة حلوه والاحلى تمكنك من اجبار القارئ لمتابعتها للنهاية
ننتظر المرحلة التانية ومبروك الرخصة
هاهاهاها ..
والله إستخراج الرخصة عبارة عن مغامرة في السودان ..
أنا ولافخر رسبت أكثر من 4 مرات
(بقيت مابحسب ) ...
يلا .. الغلط منهم هم ..
لكن أديتني أمل أسي ..
في إنتظار المرحلة الثانية ...
أستاذ محمد
الحمدلله انك تميتها للنهاية لأنو أنا شخصيا حاولت أقرا القصة تاني اتكاسلت من طولها
(( نفسي ما أكون براية ))
S-:
Mohamed
أأأأي الغلط منهم
أنا كمان متأكدة من كدة P-:
بس عموما قالو بقو يضيقوها شديييييد
يعني عادي يوم كامل ما ينجح ولا زول
ربنا يوفقك
وعليك بفيتامين واو
P-:
الواو دا هو الجاب الهوا
ما شايفا سواقت الناس في الشارع كيف كيف
ههههه بهظر
السودانين معروفين انهم احسن ناس بسوقو السيارات
غايتو انا متشوق اقرا الجزء التاني
ما تتاخري علينا ايمو
دمتي بود
ههههههههههههه
مبروك حصولك على الرخصة
عقبالي يا رب
بدأت تعليم
مستنية الحلقة التانية
ملحوظة : اسلوبك في العرض والصور جد حلو
مبرووووك التيبملت الرقيق ده
النادر
مرحب بيك
ومعليش على التأخير
بصراحة ولا أحسن ناس ولا حاجة
بالذاااااااات سواقين البكاسي
حاجة توجع القلب وتنشف الدم
الجزء التاني بكتبو قريب ان شاء الله بس مشغووووووووولة
دعواتكم
حبيبتي بنت أبيها
الله يبارك فيكي يااارب (( على الرخصة وعلى التبمليت))
وأتمنى ليكي التوفيق في الرخصة وفي كل حاجة تانية
عشان انتي بتستاهلي
:)
صغيرتى ايمان
يسعد مساءك بكل خير
ياخى والله حكاية الامتحان دى بطالة خلاص ...
عموما انا ما سقت فى السودان ابدا ولكنى فى الخارج اقود بكل سهولة ويسر وهنا المدرسة والرخصة معا والامتحان فى نفس المدرسة والحكاية سهلة جدا ..
بس السواقة فى السعودية مقرفة جدا لانه الناس ما بتحترم القانون ..
وصيتى ليك تكونى راقية كما انتى وتحترمى كل قوانين المرور واهم شىء بالله ودى وصية فى ذمتك الناس الغلابه الماشين فى الواطه ديل اعملى ليهم حساب ما تقومى يوم تفجخى ليك راس زول عشان قطع الشارع وما شايفك تلقيه ياخى شايل هموم الدنيا كلها فى راسه وما عارف نفسه فى شارع ولا فى بحر والله يا ايمو انا مرات بمر من الاشارة وبعد ما اعدى اسأل نفسى يا ربى الاشارة دى كانت حمراء ولا خضراء ...
حنى على الناس الماشين وغلابه وهم لا يقصدون معاكسة وتحدى السائقين بقدر ما انهم شايلاهم همومهم
واتمنى لك قياد آمنة والسلامة الى الابد..
مع تحياتى
مكتول
إرسال تعليق