صباح الخير
عاوزة أسألكم منو شاعر أغنية قطار الشوق الغنوها البلابل وحسين شندي وغيرم كتير؟؟؟ولو ممكن برضو عاوزة أعرف كتبا سنة كم والقصة كانت شنو؟؟؟ ولو في زول بيعرف الشاعر شخصيا ياريت يكلمني عشان انا عاوزاه في كلمتين
بالنسبة للشاعر\علي محجوب فأنا سمعت إن ماهو الكاتبة... وإنو اشترك بيها في مهرجان في التمانينات وهي ماحقتو... انا بعرف الطرف المتهمو شخصيا فعاوزة اوصل لعلي محجوب عشان اعرف منو الحقيقة.. او حتى لو في زول بيعرفو يسألو
الكلام القالو لي قريبي وبالمناسبة هو مهندس خريج جامعة الخرطوم سنة 78قال انو كتبا وكان مقصود بيها كسلا ما عطبرةوكان طالب الوقت داك... كان عندو صديق اسمو كنكور تقريبا كان فنان مغمور في عطبرة... شال منو القصيدة ولحنها وغناها بس يبدو انو ما اشتهر... وقريبي اغترب وسافر وبعد سنين راكب مع واحد في العربية في الغربة شغل شريط البلابل أو حسين شندي المهم انو سمع الغنية... فقال للزول المعاهم تصدق ان الغنية دي كاتبا انا... وعملوها ونسة ويازول ما بصدق والكلامات دي وانتهت الونسة وبس تاني ما اهتم بالموضوع...يلا من كم سنة جا السودان وجاهو واحد من زملاء الدراسة في البيت... وتصادف انو اولادو كانو مشغلين الغنية بصوت عالي... فالضيف علق على جمال الغنية... وقريبي قاليه ان هو الكاتبا وحكى ليه القصة... زميلو ساقو طواااالي لي صحفي ونشر الموضوع في جريدة (( وانا محتفظة بالقصاصة بتاعت المقال)) وطالبو علي محجوب يرد... بس ما رد وتاني قريبي رجع لي الغربة ونسى الموضوع هس كنت بتونس معاه وهفت لي اسالو مباشرة... وحكى لي إن الغنية ياها بس فيها اضافات بسيطة... وقلت ليه انت اديتا لمنو... قال اداها لي اتنين من اصحابو... واحد كان بدرس جيولوجيا وحاليا هو عميد الجيولوجيا جامعة النيلين والتاني اسمو كنكور... بس الأداها لي علي محجوب منو مامعروف فأنا عاوزة لو زول بيعرف علي محجوب يسمع منو الحصل شنو بالظبط لأن الموضوع حارقني بصراحة وغايظني أكتر مما غايظ قريبي
ياترى في زول بيقدر يساعدني في الموضوع دة؟؟؟؟
هناك 3 تعليقات:
من مقال في صحيفة الوطن للصحفي جمال عنقرة (إيميله gamalangara@hotmail.com
فيمكن أن تراسليه بهذا الخصوص)
http://www.alwatansudan.com/index.php?type=6&issue_id=248&col_id=6&bk=1
"ثاني شيء وقفت عنده أداءه الرائع لاغنية «قطار الشوق» وكنت قد سمعتها من البلابل وحسبت أنها لهن وتغنَّى بها حسين معجباً بها، فعندما سألته عن ذلك أخبرني أن الأغنية في الأصل أغنيته هو، كتبها المهندس علي محجوب الذي كان يعمل في مصنع اسمنت عطبرة وقام بتلحينها الأستاذ بابكر الذكار واهداها للفنان حسين شندي، ثم أخبرني حسين أنهم كانوا في رحلة فنية إلى أسمرا ضمت إلى جانبه الفنان عبد العزيز المبارك والبلابل، وعندما غنى «قطار الشوق» اعجبت الاغنية البلابل فحفظنها وقمن بأدائها في واحدة من الحفلات وكان ادائهن لها رائعاً بديعاً اعجب حسين شندي نفسه، وفي أول حفل تالٍ لذاك الحفل طلب منهن حسين شندي غناء البلابل فصار ذلك بمثابة تصريح منه لهن بأدائها"
انا سمعت عن اغنية قطار الشوق .. والشاعر الادعى انها بتاعتو .. عموما انا معلوماتي البسيطة عنها بتقول انها حقت شاعر حرفه الاول (الـحـا..)، وياربي هو حجة ولا ولسة ؟؟؟
إرسال تعليق