مسا الخيـــر
كيف رمضان معاكم
احنا عندنا أمطار وجو رهيـــــــب الحمدلله
يعني ما بنعطش بسهولة
عموما ربنا يتقبل مننا ومنكم الصيام والقيام وقراءة القرآن
بما ان رمضان فرصة للسمو بالنفس
والابتعاد عن العادات الخبيثة
وبما ان احنا اتفقنا ان نخطو خطوة للامام ونكون ناس متسامحين ونطهر قلوبنا من الغبائن
عاوزة المرة دي نخطو خطوة تانية لقدام
أيوة نوقف تدخين
ماتقول أنا مالي دعوة بالموضوع عشان أنا ما بدخن
ما أنا كمان ما بدخن
بس كتير ناس بحبهم بيدخنو
وكتير ناس بيدخنو بدون مابحترمو الحولهم
طيب
اصلا التدخين ضار ودي معلومة قديــــــــــمة وكلكم عارفنها
طيب هل عارفين ان التدخين حرام؟؟؟
أيوة حرام
وأكيد اي واحد منكم لم يحرم نفسو من الاكل والشراب في نهار رمضان بيحاول قدر الامكان يبعد عن اي حرام
عشان صيامو يتقبل
صح؟؟
ولا الواحد يكون بس عامل ريجيم ما اكتر من كدة!!!!!!
طيب بما انكم بتصبرو على السيجارة حوالي 14 ساعة (( اللي هي فترة الصيام التقريبية))
دة على اعتبار انكم بتتسحرو بي سيجارة وبتحللو صيامكم بواحدة تانية
معناها في قدر من الصبر وقدر من العزيمة
كويس ليه ما نستغل الفرصة دي وكل يوم نزيد المدة شوية
عشان نقلل عدد السجارات
بتمنى كل واحد يعقد العزم ان حيوقف
او على الاقل حيخفف
ويكون اهم حاجة الشجاعة والثبات
قاعد مع اصحابك ومدوا ليك علبة السجاير
قول شكرا بس انا مخفف
حيقولو ليك ياااراجل بطل حركااااااااات
وواحدة ما حتفرق
وياخي حلاتها في اللمة
فكر اللحظة
كل الناس عارفين خطر التدخين
وانت قررت تخفف
ياترى أصحابك مصممين انك تاخد سجارة ليه؟؟؟
حبا فيك؟؟؟
حرصا على مصلحتك؟؟؟
لأ
بس لأنهم أصدقاء سوء
صديقك الحقيقي
أول ما تقوليه خففت
حيقوليك ياحظك
والله بحسدك وبتمنى أكون زيك
ياريتني أملك زي عزيمتك
حيكون فخور بيك وحيكون عاوز يبقى زيك
وهمسة في اذنك كمان
لو واحد من أصحابك قاليك انا مخفف التدخين
قوليه كلمة حلوة تشجعو
لو انت حقيقي بتحبو
حاجة أخيرة
شوفو الفيديو دة
هناك 9 تعليقات:
عندك حق
رمضان فرصه للناس إلي بتشرب سجائر أن هم يبطلوا
بس مين يفهم ومين يسمع
تقبلي مروري
مجنووون
سلام إيمان
الغريبة أول أمس كنت بتكلم مع واحد من أعز أصحابي بدخن عن الموضوع ده ..
لكن عارفه ماأظن المشكلة في فرصة الإقلاع وكده المشكلة _ علي الأفل صحبي _ ماعندو نيه جادة عشان يخلي التدخين .
المره الفاتت عشان أخوفو حسبتو ليهو عدد السجاير الشربها من رمضان الفات ، ودي الحسابات مع العلم بإنو مامدخن شره ،،بالعكس -- عسي ولعل تأثر علي زول تاني لأنو صحبي الحرقو في الموضوع الجزء بتاع القروش بس
بدخن في اليوم متوسط 5 سجارات
هو مقطع عشان كده السجاره أبو 200 ج
عملت في 3سنوات(المده الدخن فيها) :
5ألف وأربعمائة و90 سجارة
بتكلف مليون وتسعمائة و80 ألف
يعني مليونين تقريباَ ...
ربنا يعين جميع المدخنين علي الإقلاع ,, آمين
صح رمضان فرصه
بس فى الاخر فى موضوع السجاير ده اراده و رغبه حقيقيه
جزاك الله خيرا
سلامات :)
أستاذ مجنوووون
حقيقي رمضان فرصة لاتعوض
سعيدة بمرورك
محمد
5 سجاير في اليوم ما يعتبر شره!!!!!!!!!!!
هو الشره بيدخن كم سيجارة في اليوم؟؟؟
حقيقي وجعت لي قلبي
magn0lia
أعتقد إن أي مدخن في داخلو رغبة ان يتوقف عن التدخين بس مش قادر
عشان كدة اقترحت ان يستفيد من فرصة رمضان
فى اعتقادى يمدام ايمان انو التدخين لو كان حرام زى انتى ما بتقولى كان اى عسكرى او اى زول عندو ضمير وبساعد الاسلام والعدالة وصحة الناس وصحة البئية وقبقبو ووداة اقرب قسم بتهمة انو بسجر والسجاير حرام ساعتة بس كان ادوة جايزة وشكروة على العمل البطولى الهوة عملو
كان علية انا الحمد لله لا سجارة ولا بشرب ولا صاعوط ولا اى مكيفات باخدة ونا معاكى ما بقول انا ما معاكى بالعكس التدخين يا اخى العزيز ضار بصحتك خاف على اولادك خاف على اخوانك وناس بيتكم اى معلش لكن نهاجم ونقول السجاير حرام ونعمل لية شغل ارهاب عشان لما اخذة يعنى ادخل الحمام واشربة من ورة الناس تو تو تو تو اعتقد ما ظريفة بعد العمر دة كلو ارجع مراهق واعملة ... احسن من الكلمة الطيبة مافى بعد كدة هوة وضميرو لكن نقولية دة حرام ونجبرو على كدة دة اسمو شغل ارهاب وتسلط على الناس وعلى حرياتم الشخصية
wooowad
انت عارف انو في فرق بين الحرام شرعا والممنوع قانونا
والعسكري البتقول عليه مكلف بتطبيق القانون مش بتطبيق أحكام الشرع
يعني ما حيمشي لواحدة مطلعة خصل يرميها في السجن لأنو مامتحجبة حجاب صحيح
ولاحيمشي لواحد بيسمع أغاني يجلدو لأنو بيسمع مزامير الشياطين
ولا ممكن يقبض واحد لأنو شرب كولا والكولا قالو فيها دهن خنزير
للمرة التانية بقوليك انت ما عندك منطق في الكلام وماعندك حجج
ملاحظة أولى
حضرتك ما شاذ بس بتدافع عن الشواذ
وما بتسجر بس بتدافع عن البسجرو
أها تاني انت ما شنو؟؟؟؟
ملاحظة تانية
انت وكل أصحابك الشواذ غير مرحب بيكم في مدونتي
مدام انا ما لقى سبب لئنفعالك دة اولا ثانيا هل عندك دليل على انو انا شاذ احنا يادوب بنتناقش عن حقوق ناس ما اكتر ولا اقل انتى لية ماخدة الموضوع بحساسية تالت حاجة انا ما قلتة نجيب عسكرى ولالا كلام من دة انا كل القلتو هاتى اية من القران ولا حديث قالو الرسول (ص) بقول انو التدخين حرام
حاجة اخيرة خليكى ايزى
إرسال تعليق